...أنظر أيضاً..." /> حكايات غزة

كان نفسي أخوي

عمر منصور

كان نفسي أخوي , يتربى وهوة بيسمع موسيقى من اللي اعطاني ياها محمد دردونة صاحبي من ايام المدرسة , بعرفش من وين لطشها لموسيقى تشوبن , وباخ , وموزارت , وفنجاليس , وتشيكوفسكي !
لكن أخوي الصغير ازا بدو يصرعني ويمزح معي , بيقلد صوت الصاروخ , عشان الدار ترتعب !
بيقلد صوت القزاز بس ينكسر , وبيقلد صوت الاسعافات !
اخوي عايش والحمد لله , لكن هوة وانا وكل شخص وكل طفل عايش هالحرب , بدو علاج نفسي لكل اشي سمعوه وحسوه!
الطفل اللي نام وحط اصابيعوا في دينيه من الخوف ! كان لازم ينام وهوة بيسمع صوت امو ونشيدها !

الحرب وسخة , ووسخة كتير


آب 2014